Aya kaheman milangkala raga.....
Aya katresna mapaes rasa....
Malipir pikir, naratas lalampahan....
Anjeun ngajirim dina lambunan...
Anjeun ngalangkang dina implengan....
Hariring kuring tilam kasono....
Haleuang kula mibanda rasa....
Kalangkang diri lain teu harti....
Balebat rasa lain teu surti....
Bangbalung pikir nyawang lamunan....
Ngaji diri, ngaji rasa ngajirim dina raga....
Nyangkem basa,ngareka carita ukur jang anjeun...
Hiliwirna angin peuting, jadi saksi kana janji....
Ngahijikeun sukma sugan teu sulaya....
Dina hanca jeung sesa waktu anu mustari....
Tidak ada komentar:
Posting Komentar